روس کے شہر ییلٹس کے قریب دو منزلہ رہائشی مکان میں گیس دھماکے سے ایک خاتون ہلاک اور چھ دیگر زخمی ہو گئے۔ مقامی ایمرجنسی سروس کے عہدیداروں نے ہفتہ کو یہ اطلاع دی۔
انہوں نے کہا کہ جمعہ کو پیش آنے والے اس واقعے میں گھر کا ایک حصہ تباہ ہوگیا۔ دھماکے میں ایک خاتون جاں بحق جبکہ چھ دیگر افراد زخمی ہوئے۔ زخمیوں کو ملبے سے نکال لیا گیا ہے جبکہ تین افراد ابھی بھی ملبے کے نیچے دبے ہوئے ہیں جنہیں نکالنے کا کام جاری ہے۔
اس سے قبل بدھ کے روز ماسکو کے علاقے نوگنسک شہر میں اسی طرح کے ایک واقعے میں سات افراد ہلاک ہوگئے تھے۔
(یو این آئی)
