چلی میں ایک دن میں کورونا وبا کے 1131 نئے معاملے سامنے آنے سے متاثرین کی تعداد بڑھ کر 474440 ہوگئی اور اس مدت میں 20 لوگوں کی موت ہونے سے مرنے والوں کی تعداد 13090 ہوگئی ہے۔
وزارت صحت نے بدھ کو بتایا کہ گزشتہ 24 گھنٹوں کے دوران 19706 لوگوں کی کووڈ جانچ کی گئی اور ملک میں اب تک کل 3548773 لوگوں کی جانچ کی جاچکی ہے۔
وزیر صحت اینرک پیرس نے یہاں ایک پریس کانفرنس میں بتایا کہ گزشتہ سات دنوں میں ملک کے 14 علاقوں میں یومیہ معاملے میں کمی آئی ہے لیکن میگلن کے جنوبی علاقے میں انفیکشن کی اونچی شرح برقرار ہے۔
دی پریزیڈنسی کے دفتر کی جانب سے بدھ کو جاری رپورٹ میں بتایا گیا ہے کہ صدر کی رہائش گاہ لا مونڈا میں کورونا کے تین سرگرم معاملوں کی تصدیق ہوئی ہے۔
