چین کے بیلسٹک میزائلز سے امریکہ نہیں ڈرے گا: امریکی سفیر

امریکہ اور چین کے مابین اب تک تجارتی سطح پر سرد جنگ جاری ہے۔ اس دوران مزید کشیدگی پیدا ہوتی جا رہی ہے اور بات ایک دوسرے پر حملے کی سامنے آنے لگی ہے۔

اسلحہ کنٹرول کے لیے امریکہ کے خصوصی سفیر ایس بلنگسلی نے کہا ہے کہ اگر چین کو یہ لگتا ہے کہ بیلسٹک میزائلیں داغنے سے امریکہ ڈر جائے گا تو وہ پوری طرح غلط ہے۔

بلنگسلی نے ٹویٹر پر کہا اگر چین کو لگتا ہے کہ بیلسٹک میزائلیں داغنا کسی طرح امریکہ اور ہمارے ساتھیوں کو خوفزدہ کرے گا،تو وہ بڑی غلطی کر رہا ہے۔

انہوں نے ساؤتھ چائنا مارننگ پوسٹ میں ایک خبر کی تصویر بھی منسلک کی جس میں کہا گیا ہے کہ چینی فوج نے امریکہ کو متنبہ کرتے ہوئے جنوبی بحیرہ چین میں دو میزائلیں داغی ہیں۔