امریکی صدر ڈونلڈ ٹرمپ کے حوالے سے دعویٰ کیا گیا ہے کہ صدر ٹرمپ نے امریکہ میں ہونے والے 2020 کے صدارتی انتخابات کو جیتنے کے لیے چین کے صدر شیجنپنگ سے مدد کی اپیل کی ہے۔
امریکہ کے سابق قومی سلامتی کے مشیر اور امریکی صدر کے سابق معاون جان بولٹن نے اپنی کتاب میں یہ سنسنی خیز دعویٰ کیا ہے۔
بدھ کے روز شائع ہونے والی کتاب کے اقتباسات کے مطابق ڈونلڈ ٹرمپ نے گذشتہ جون میں ایک سربراہی اجلاس کے دوران شی جنپنگ سے ملاقات کی تھی، اس دوران کہ ٹرمپ نے شی کے سامنے امریکی صدارتی انتخابات پر حیرت انگیز بات چیت کرنا شروع کردی تھی، انہوں نے یہ کہنا شروع کیا کہ چین کی معاشی صلاحیت ایسی ہے کہ وہ امریکہ میں جاری انتخابی مہم پر اثر انداز ہو سکتا ہے، جان بولٹن نے لکھا ہے کہ اس دوران ٹرمپ نے شی جنپنگ سے انہیں فتح دلانے میں مدد کرنے کی اپیل کی ہے۔
واشنگٹن پوسٹ، دی نیویارک ٹائمز اور وال اسٹریٹ جرنل کے شائع کردہ اقتباسات میں بولٹن لکھتے ہیں کہ ڈونلڈ ٹرمپ نے مذاکرات میں امریکہ کے کسانوں کی اہمیت پر زور دیا اور کس طرح سویابین اور گندم کی چین کی خریداری میں اضافہ امریکہ میں انتخابی نتائج کو متاثر کرسکتا ہے ان موضوع پر تبادلہ خیال ہوا۔
