اقوام متحدہ کے ترجمان اسٹیفن دوجارک نے کہا کہ متاثرہ ملازمین بیشتر یورپی ممالک سے تعلق رکھتے ہیں، لیکن افریقہ، ایشیاء، مشرق وسطی اور امریکہ میں بھی کچھ ملازمین ہیں، جو کورونا وائرس سے متاثر ہوئے ہیں۔ اور یہ ہمارے لیے کافی تشویشناک ہے۔
اسٹیفن دوجارک نے کہا کہ 'امریکی ملازمین کی اکثریت گھر سے کام کر رہی ہے'۔
دوجارک نے بتایا کہ نیویارک میں واقع اقوام متحدہ کے ہیڈکوارٹر میں ملازمین کی تعداد تقریبا 4000 افراد سے کم ہو کر صرف 70 ہوگئی ہے۔
انہوں نے کہا کہ ویانا میں اقوام متحدہ کے 97 فی صد سے زیادہ ملازمین دور دراز سے کام کر رہے ہیں۔
اقوام متحدہ ایک بین سرکار تنظیم ہے جس کا مقصد بین الاقوامی امن و سلامتی کو برقرار رکھنا ، اقوام عالم میں دوستانہ تعلقات استوار کرنا ، بین الاقوامی تعاون کا حصول اور اقوام کے اقدامات کو ہم آہنگ کرنے کے لئے ایک مرکز بننا ہے۔
