فلپائن میں گردابی طوفان سے 16 افراد ہلاک

فلپائن میں گردابی طوفان ’فین فونے‘ کی وجہ سے کم از کم 16 لوگ ہلاک ہو گئے ہیں۔ طوفان نے کل فلپائن میں دستک دی تھی اور یہ اپنے ساتھ شدید بارش اور ہوائیں لے کر آیا۔

فلپائن ڈپارٹمنٹ آف انٹیریئر اینڈ لوکل گورنمنٹ(ڈی آئی ایل جی)نے بتایا کہ طوفان سے الائیلو صوبے میں چھ، کیپج صوبے میں دو اور لیئیٹے صوبے میں ایک شخص ہلاک ہوا ہے۔
دی فلپائن نیشنل ڈیزاسٹر رسک ریڈکشن اینڈ مینجمنٹ کونسل(این ڈی آر آر ایم سی) نے طوفان سے ہوئی اموات کے واضح اعداد و شمار ابھی تک نہیں دئے ہیں حالانکہ اس نے بتایا ہے کہ طوفان سے ملک کے 38 گاؤں کے قریب 2400لوگ متاثر ہوئے ہیں۔
این ڈی آر آر ایم سی کے مطابق طوفان کی وجہ سے 100سے زیادہ گھریلو اور بین الاقوامی طیاروں کی آمد ورفت ملتوی کر دی گئی ہیں۔