امریکہ، تائیوان کو ایف -16 جنگی طیارہ فروخت کرے گا

امریکہ نے فوجی ساز وسامان کی فروخت کے تحت تائیوان کو آٹھ ارب ڈالر مالیت کے 66 ایف -16 جنگی طیارے دینے کی منظوری دے دی ہے۔

امریکہ کی دفاعی تعاون ایجنسی نے ایک بیان جاری کر کے یہ اطلاع دی ۔

بیان کے مطابق وزارت خارجہ نے تائپی اکنامکس اور کلچرل ریپریزینٹیٹو آفس کو فوجی سازو سامان فروخت کرنے کی تجویز کو منظوری فراہم کرنے کا عہد کیا ہے جس کے تحت اسے ایف -16 جنگی طیارے فروخت کئے جائیں گے ۔ دفاعی تعاون ایجنسی نے اس سلسلے میں کانگریس کو بھی مطلع کر دیا ہے ۔