طالبان کا کابل پر قبضہ اور صدر اشرف غنی کے ملک سے فرار ہونے کے بعد افغانستان میں اضطرابی ماحول ہے۔ مختلف ممالک کی جانب سے عوام کے لیے حوصلہ افزا بیانات سامنے آرہے ہیں۔
افراتفری کے ایسے مناظر کابُل ہوائی اڈے اور دیگر جگہوں پر دیکھے جارہے ہیں جب کہ طالبان ارکان پارکوں اور جم میں ورزش سے لطف اندوز ہورہے ہیں۔ طالبان کی جانب سے عام معافی دینے اور امن و امان دینے کے اعلانات کیے گئے ہیں۔
جیت کے بعد طالبان ارکان کے ویڈیوز سوشل میڈیا پر وائرل ہورہے ہیں۔ رائٹرز کے سینئر رپورٹر حامد شالیزی کی پوسٹ کردہ ویڈیو میں طالبان ارکان کو بمپر کار چلاتے ہوئے دیکھا جاسکتا ہے۔
ٹوئٹر پر بڑے پیمانے پر شیئر کی جانے والی ایک اور ویڈیو میں طالبان کے ایک گروپ کو میری گو راؤنڈ (merry go round) کی سواری کرتے ہوئے دیکھا جاسکتا ہے۔
یہ بھی پڑھیں: Taliban: عام معافی کا اعلان، خواتین سے حکومت میں شامل ہونے اپیل کی
مزید پڑھیں:افغانستان میں پھنسے بھارتیوں کو لے کر طیارہ گجرات کے جام نگر پہنچا
- Taliban: عام معافی کا اعلان، خواتین سے حکومت میں شامل ہونے اپیل کی
- بھارت نے کابل سے سفارتی عملے کو فوری واپس بلانے کا اعلان کیا
وہیں ایک اور صحافی اسعد حنا کی طرف سے پوسٹ کی گئی ویڈیو میں طالبانی خوشی سے ٹریمپولین (trampoline) پر اچھلتے ہوئے نظر آرہے ہیں۔
سوشل میڈیا صارفین کے مطابق یہ ویڈیو طالبان نے قبضے کے بعد افغانستان کے تیسرے بڑے شہر ہرات کے ایک تفریحی پارک میں بنائی۔ اس کے علاوہ طالبان ارکان کو ایک ویڈیو میں صدارتی محل کے جم میں ورزش کرتے ہوئے بھی دیکھا گیا۔
