طالبان کے اطلاعات اور ثقافتی امور کے نائب وزیر ذبیح اللہ مجاہد نے کہا ہے کہ نئے آئین کا مسودہ تیار کرنے کے لیے اگلے سال ملک میں ایک کمیشن تشکیل دینے پر غور و خوض کیا جا رہا ہے۔
مجاہد نے اسپوتنک کے انٹرویو میں کہا کہ 'آئندہ کچھ مہینوں میں نیا آئین بنانے کا عمل شروع ہو جائے گا۔ ہم یہ یقینی بنانے کی کوشش کریں گے کہ ہماری حکومت کے پاس ایک ایسا آئین ہو جو ہمارے ملک کے سائنسدانوں، وکلاء اور ماہرین کی جانب سے بنایا گیا ہو'۔
امسال ایک نیا آئین تیار کرنے کا عمل شروع ہو جائے گا، اس سے متعلق سوال کا جواب دیتے ہوئے مجاہد نے کہا کہ سب سے زیادہ امکان تو یہی ہے کہ یہ کام آئندہ برس شروع ہو جائے گا اور کمیشن کو ملک کی حکومت تشکیل کرے گی۔
یہ بھی پڑھیں: افغانستان: جلال آباد میں متعدد حملوں میں 5 افراد ہلاک
واضح رہے کہ امریکہ اور نیٹو افواج کے انخلا کے ساتھ ہی افغانستان میں طالبان نے اپنی حکومت کا اعلان کیا اور اپنے وزراء کو قلمداند بھی سونپ دیا لیکن ملک کا آئین کیا ہوگا اس کے متعلق ایک کمیشن کو تشکیل دینا باقی ہے، جو آئین کا مسودہ تیار کرے گا۔
(یو این آئی)
