افغانستان کے مشرقی نانگرہار صوبے میں سکیورٹی اہلکاروں نے جنجگجوؤں کے ٹھکانوں پر حملہ کرکے طالبان کے ایک مقامی کمانڈر سمیت 20 جنجگجوؤں کو ہلاک کردیا ہے۔
وزارت دفاع نے بدھ کو ایک بیان جاری کرکے یہ اطلاع دی۔
طلوع نیوز کی ایک رپورٹ کے مطابق سلامتی اہلکاروں نے منگل کی صبح مشرقی نانگرہار صوبے کے کھوگیانی ضلع کے جاوا علاقے میں طالبانی ٹھکانوں کو نشانہ بناکر حملے کئے جس میں طالبان کمانڈر سمیت 20 جنگجو موقع پر ہی ہلاک ہوگئے۔
جنگجوؤں کے پاس سے ہتھیار اور گولہ بارود کا بڑا ذخیرہ برآمد کیا گیا ہے۔ سکیورٹی اہلکاروں کی مہم میں طالبان کی کاریں اور موٹر سائیکلیں بھی تباہ ہوگئی ہیں۔
اس دوران افغانستان کے شمالی تاخر کی صوبائی حکومت کے ترجمان محمد جاوید ہزاری نے بتایا کہ گزشتہ 24 گھنٹوں کے دوران سات طالبانیوں کو گرفتار کیا گیا ہے۔
