عید الاضحی کے موقع پر پاکستان کے دارالحکومت اسلام آباد کی یہ مارکیٹ عموما جانوروں کے خریداروں سے بھری رہتی تھی، لیکن کورونا وائرس کے سبب رواں برس مارکیٹ میں خریداروں کی بے حد کمی درج کی گئی ہے۔
ویڈیو
براہ راست مارکیٹ جانے کے بجائے لوگوں میں آن لائن جانور خریدنے کا رجحان بڑھا ہے۔
جہاں ایک طرف کورونا وائرس کے سبب لوگوں کی صحت پر اس کا اثر پڑا ہے وہیں جانوروں کی قیمتوں میں بھی بے تحاشہ اضافہ ہو گیا ہے۔
مارکیٹ میں کچھ کم قیمت کے جانوروں کے ساتھ کچھ عمدہ نسل کے جانور بھی دیکھے گئے جن کی قیمت 7 ہزار امریکی ڈالر تک لگائی گئی۔
واضح رہے کہ قربانی اسلام میں انتہائی اہم عمل مانا جاتا ہے۔ قربانی حضرت ابراہیم علیہ السلام کی سنت ہے اور ہر صاحب استطاعت مسلمان پر قربانی کرنا واجب قرار دیا گیا ہے۔
