بنگلہ دیش: بس اور ٹرک میں ٹکر، چھ افراد ہلاک، 10 زخمی

ڈھاکہ سے بوگڑا جارہی ایک مسافر بس شیر پور کے قریب پتھروں سے لدے ٹرک سے ٹکرا گئی۔ حادثے میں 6 افراد موقع پر ہی جاں بحق ہوگئے جبکہ 10 افراد کے زخمی ہونے کی خبر ہے۔

بنگلہ دیش کے شہر بوگڑا میں ایک بس اور ٹرک کی ٹکر میں 6 افراد ہلاک اور کم از کم 10 افراد زخمی ہوگئے ہیں۔

شیر پور ہائی وے پولیس کے مطابق، ڈھاکہ سے بوگڑا جارہی ایس آر ٹرانسپورٹ کی ایک مسافر بس شیر پور کے قریب مخالف سمت سے آنے والے پتھروں سے لدے ٹرک سے ٹکرا گئی۔

بنگلہ دیش: بس اور ٹرک میں ٹکر، چھ افراد ہلاک، 10 زخمی

حادثے میں بس اور ٹرک کے ڈرائیور سمیت 6 افراد موقع پر ہی جاں بحق ہوگئے جبکہ 10 افراد زخمی ہوگئے۔

زخمیوں کو بوگڑا شہید ضیاء الرحمٰن میڈیکل کالج ہسپتال میں داخل کرایا گیا ہے۔ حادثے کی وجہ سے بوگڑا ڈھاکہ شاہراہ پر ٹریفک ایک گھنٹے تک متاثر رہی۔

یو این آئی