افغانستان میں بڑی تعداد میں ریٹائرڈ ملازمین اور سابق فوجیوں نے افغان حکومت Afghan Govt سے ان کے بقایا پنشن کی ادائیگی کرنے کی مانگ کی ہے۔
'طلوع نیوز' نے ایک ریٹائرڈ ملازم نثار احمد کے حوالے سے کہا کہ ہم اپنے حقوق کی مانگ کرتے ہیں۔ میرے کنبے کو میری مدد کی ضرور ت ہے اور میں ان کی مدد نہیں کرسکتا۔ جب ہم محکمہ میں جاتے ہیں تو وہ ادائیگی میں تاخیر کرتے ہیں۔
ایک دیگر ملازم گل خان نے کہا کہ وہ کہتے ہیں کہ بینک میں پیسے نہیں ہیں اور نظام خراب ہوگیا ہے۔ تمام ریٹائرڈ ملازم یہاں ہیں لیکن وہ ہمیں ادائیگی نہیں کرتے ہیں۔ ہمارے پاس روٹی کے لیے بھی پیسے نہیں ہیں۔
یہ بھی پڑھیں: افغانستان میں صرف پانچ فیصد لوگوں کے پاس ہی کھانے کے لیے کافی مقدار ہے: ڈبلیو ایف پی
سرکاری محکمہ پنشن اور ریٹائرڈ ڈائرکٹوریٹ Department of Pensions and Retired Directorate نے کہا کہ حکومت ریٹائرڈ ملازمین کے بقایا کی ادائیگی کے منصوبہ پر کام کر رہی ہے۔
محکمہ کے سربراہ محمد یحیی ترین نے بتایا کہ سول اور فوجی ریٹائرڈ ملازمین کے لیے تقریباً 9.2 ارب افغانی کی ادائیگی کی گئی ہے، لیکن تقریباً 30ہزار ملازمین کو اب تک ادائیگی نہیں کی گئی ہے۔
(یو این ائی)
