نواز شریف کی صحت کے حوالے سے حکومت کے رویہ پر تشویش ظاہر کرتے ہوئے پی ایم ایل این کے صدر نے پاکستان تحریک انصاف حکومت پر الزام لگایا ہے کہ وہ سابق وزیراعظم کو جائز طبی سہولیات مہیا نہیں کرا رہی ہے بلکہ اس نے انہیں کارڈیک ایمبولینس تک دینے سے انکار کردیا۔
شریف نے کہا ’’یہ قدم سیاسی دشمنی کے تحت اٹھائےجارہے ہیں۔ ایک مریض کو علاج سے دور رکھنا، اسے قتل کرنے کے مترادف ہے۔‘‘ انہوں نے مزید کہا کہ اگر نواز شریف کو کچھ بھی ہوتا ہے تو اس کے ذمہ دار وزیراعظم عمران خان ہوں گے۔
روزنامہ ’ڈان‘ کے مطابق سابق وزیر اعظم کے نجی ڈاکٹر عدنان خان نے پنجاب کے چیف سکریٹری کو لکھے ایک خط میں حکومت سے مسٹر شریف کومسلسل خصوصی طبی نگرانی میں رکھنے کی اپیل کی ہے۔
انہوں نےکہا کہ شریف کو مناسب طبی سہولیات، جو کئی پریشانیوں سے نمٹنے کے لئے ہیں، نہیں دی جارہی ہیں اور صحت سے متعلق ان پریشانیوں کا علاج جیل میں ممکن نہیں ہے۔
پی پی پی جنرل سکریٹری نیئر حسین بخاری اور اطلاعات کی سکریٹری ڈاکٹر نفیسہ شاہ نے سابق صدر آصف علی زرداری کی صحت کے سلسلے میں تشویش کا اظہار کیا اور کہا کہ انہیں فوری طور پر طبی امدادکی ضرورت ہے۔
انہوں نے کہا کہ پی ٹی آئی حکومت کو کسی کی زندگی کے ساتھ نہیں کھیلنا چاہئے۔ عدالت کو اس قسم کے خصوصی طور پر خراب برتاؤ کا نوٹس لینا چاہئے، جس کے ذریعہ عمران خان اپنے سیاسی فریقوں کو نشانہ بنا کر اپنے عہدے اور طاقت کا غلط استعمال کر رہے ہیں۔
نواز شریف العزیزیہ اسٹیل ملس معاملے میں کورٹ لکھپت جیل میں سات سال کی سزا کاٹ رہے ہیں جبکہ آصف علی زرداری بینک اکاؤنٹ معاملے میں عدالتی ریمانڈ پر اڈیالا جیل میں بند ہیں۔
