پاکستان کے وزیر اعظم عمران خان نے ایک پروگرام کے دوران امریکہ اور ایران کے درمیان ایک مرتبہ پھر ثالثی کی پیشکش کرتے ہوئے کہا کہ پاکستان کسی اور کی جنگ میں شامل نہیں ہوگا پاکستان دیگر ممالک کے درمیان امن وامان قائم کرنے کی کوشش کرنے والا ملک بنے گا۔
وزیر اعظم نے کہا کہ ایران سعودی عرب اور امریکہ ایران کے درمیان جاری اختلافات کو دور کرنے کے لیے پاکستان ہر ممکن کوشش کرے گا۔ انہوں نے کہا ہم ایران اور سعودی عرب کے درمیان دوستانہ تعلقات کو دوبارہ بہتر بنانےکی کوشش کریں گے۔
عمران خان نے کہا کہ 'امریکہ کے صدر ڈونلڈ ٹرمپ سے بھی ایران اور امریکہ کے درمیان اختلافات کو دور کرنے کے لیے ثالثی کی پیشکش کی ہے۔ خان نے مغربی ایشیا میں بڑھتی ہوئی کشیدگی کے پیش نظر کہا کہ جنگ سے کوئی بھی فاتح نہیں ہوتا ہے اور جنگ میں جیت حاصل کرنے والا ہی اصل میں ہارنے والا ہوتا ہے۔
پاکستان نے ماضی میں دہشت گردی کے خلاف جنگ میں حصہ لے کر بھاری قیمت چكائی تھی لیکن اب وہ کسی دوسرے ملک کے ساتھ جنگ میں شامل ہونے کی بجائے دیگر ممالک کے درمیان اختلافات کو دور کرنے کی کوشش کرے گا۔
