پاکستان کے مختلف علاققوں میں زلزلے کے جھٹکے محسوس کیے گئے ہیں۔ قومی زلزلہ پیما مرکز کے مطابق زلزلے کی شدت ریکٹر اسکیل پر 6.4 ریکارڈ کی گئی۔
وہہیں زلزلے کے بعد لوگ گھروں، دفاتر اور عمارتوں سے باہر نکل آئے اور قرآنی آیات اور کلمہ طیبہ کا ورد کرتے نظر آئے۔
ابتدائی اطلاعات میں یہ بات سامنے آئی کہ مانسہرہ، بٹگرام، سرگودھا، چنیوٹ میں بھی زلزلہ محسوس کیا گیا اور زلزلے کے جھٹکے اتنے شدید تھے کہ لوگوں میں خوف و ہراس پھیل گیا۔
پاکستان کے ساتھ ساتھ بھارت میں بھی زلزلہ محسوس کیا گیا ہے، بھارت میں جموں و کشمیر اور دہلی این سی آر میں ریکٹر اسکیل پر 6.4 ریکارڈ کیا گیا۔
ابھی تک زلزلے کی وجہ سے کسی بھی مالی و جانی نقصان کی خبر نہیں ہے، مزید تفصیلات کا انتظار ہے۔
