پاکستان انٹرنیشنل ایئر لائنز (پی آئی اے) کے تین طیارے چینی کمپنی کے ذریعے تیار کردہ ویکسین سائینوفارم کی 10 لاکھ خوراکوں کے ساتھ اتوار کے روز پاکستان پہنچے۔
یہ طیارے ہفتے کے روز چین کے لئے روانہ ہوئے تھے۔
چین کے پی اے آئی کے منیجر قادر بخش سانگی نے کہا کہ اس کے علاوہ نیشنل ایویشن کمپنی کے ذریعے 29 اپریل کو ایک اور ویکسین کی 20 ملین اضافی خوراکیں بھی چین سے پاکستان لائی جائیں گی۔
پاکستان میں ویکسین کی نئی کھیپ ایک ایسے وقت میں آئی ہے جب ملک انفیکشن کی تیسری لہر سے دوچار ہے۔
اس سے قبل دونوں لہروں کو قابو کرنے میں ملک نے جو کامیابی حاصل کی تھی تیسری لہر میں یہ آسان نہیں ہے۔
گزشتہ ماہ پاکستان کو کوڈ ۔19 ویکسین کی پانچ لاکھ خوراکیں چین سے ملی تھیں۔
اس سے قبل یکم فروری کو چین نے سائینوفارم ویکسین کی پانچ لاکھ خوراکیں عطیہ کی تھیں، جس کے بعد پاکستان میں ویکسینیشن مہم چلائی گئی تھی۔
واضح ہو کہ پاکستان میں اب تک تقریباً آٹھ لاکھ افراد کورونا وائرس سے متاثر ہوچکے ہیں، جن میں سے 17،100 سے زیادہ افراد ہلاک ہوچکے ہیں۔
