مقامی حکام اور ٹریکنگ ایجنسی نے بتایا کہ مسلسل برفباری کی وجہ سے ہمالیائی ملک کے مشہور ٹریکنگ راستے کے نزدیک برفافی تودے گرنے کا واقعہ پیش آیا ہے۔
یہ علاقہ ہمالیہ کی بلند ترین چوٹیوں میں سے ایک انپورنا بیس کیمپ کے نزدیک ہے۔
انپورنا دیہی بلدیہ کے وارڈ نمبر 11 کے چیئرمین بھیم چرنگ نے کہا 'چار کوریا کے شہریوں اور سیاحوں کی راستہ دکھانے والے تین نیپالیوں سے ابھی تک رابطہ نہیں ہو پایا ہے، جبکہ 150 سے زائد نیپالی اور غیر ملکی شہریوں کو اس علاقے سے ہفتہ کو بحفاظت نکال لیا گیا'۔
بھیم چرنگ مقامی لوگوں اور ہیلی کاپٹروں کے ذریعے راحت و بچاؤ کاروائیوں کو انجام دینے والی ٹیم میں شامل تھے۔
