فروری میں میانمار کی منتخب حکومت کو بے دخل کرنے اور فوج کے اقتدار پر قابض ہونے کے بعد سے احتجاج و مظاہرہ کا سلسلہ جاری ہے۔
اب تک فوج اور پولیس کے ہاتھوں درجنوں افراد ہلاک اور سینکڑوں گرفتار کیے جا چکے ہیں۔ اب اسی احتجاج و مظاہرہ کو جاری رکھتے ہوئے میانمار کی ٹریڈ یونین کی اپیل پر ملک بھر میں ہڑتال شروع ہوچکی ہے۔
یہ بھی پڑھیں: سویزرلینڈ میں نقاب پر پابندی
ینگون میں احتجاج میں شہریوں کی شرکت کو روکنے کے لیے فوج اور پولیس کی جانب سے جگہ جگہ چیکنگ کی جا رہی ہے جبکہ کئی مقامات پر سیکیورٹی فورسز کی جانب سے فائرنگ کرنے کی بھی اطلاعات ہیں۔
گذشتہ روز میانمار میں فوجی بغاوت کے بعد سے اب تک کا سب بڑا احتجاج کیا گیا جبکہ ینگون میں احتجاج میں شریک تین افراد کو سیکیورٹی فورسز نے گرفتار بھی کیا ہے۔
یو این آئی
