لبنان کے صدر مشیل عون کی سینیئر امریکی عہدیدار سے ملاقات

لبنان اور اسرائیل کے مابین بحیرہ روم کے 860 کلو میٹر کے سمندری علاقے سے متعلق مذاکرات کا دور جاری ہے۔ دونوں ممالک کا دعوی ہے کہ وہ اس علاقے کے حقدار ہیں۔

لبنان اور اسرائیل کے مابین متنازعہ سمندری حدود کے بارے میں بالواسطہ مذاکرات شروع ہونے کے چند روز بعد، لبنان کے صدر مشیل عون نے مشرق وسطی کے امور کے لئے اعلیٰ امریکی سفارت کار ڈیوڈ شینکر سے ملاقات کی۔

شینکر نے بعبدا میں اپنے اجلاس کے دوران، سمندری سرحد کی حد بندی پر مذاکرات میں آسانی پیدا کرنے کے لئے واشنگٹن کی کوششوں کو سراہا۔

خیال رہے کہ اسرائیل اور لبنان کے مابین کوئی سفارتی تعلقات نہیں ہیں اور وہ عملی طور پر حالت جنگ میں ہیں۔

اسرائیل اور لبنان دونوں ممالک کا دعوی ہے کہ بحیرہ روم میں تقریبا 860 کلو میٹر علاقے میں ان کا اقتصادی حق ہے۔