کورونا کے درمیان جنوبی کوریا اور امریکہ کی مشترکہ فوجی مشق

اس کا پہلا مرحلہ ہفتہ تک چلے گا اور اس میں دفاع پر توجہ مرکوز کی جائے گی، جبکہ 28 اگست تک جاری رہنے والے دوسرے مرحلہ میں جوابی حملہ کرنے کی تربیت ہوگی۔

عالمی وبا کورونا وائرس کے بڑھتے معاملوں کے درمیان جنوبی کوریا اور امریکی فوجیوں کی مشترکہ مشق منگل سے شروع ہوگئی۔

جنوبی کوریا کی نیوز اجنسی یونہاپ نے یہ اطلاع دی ہے۔ یونہاپ کے مطابق کمپیوٹر- سِمولیٹِڈ کمبائنڈ کمانڈ پوسٹ ٹریننگ منگل صبح سے شروع ہوگئی۔یہ مشق 28 اگست تک جاری رہے گی۔

اس کا پہلا مرحلہ ہفتہ تک چلے گا اور اس میں دفاع پر توجہ مرکوز کی جائے گی، جبکہ 28 اگست تک جاری رہنے والے دوسرے مرحلہ میں جوابی حملہ کرنے کی تربیت ہوگی۔

ایجنسی نے بتایا کہ پہلے اس تربیت کا آغاز اتوار کو ہونے والا تھا،لیکن اس میں حصہ لینے والے جنوبی کوریائی فوج کے افسر کے کورونا پازیٹیو پائے جانے کے سبب اسے ملتوی کرنا پڑا تھا۔