جاپان کو فائزر کورونا وائرس ویکسین کی دوسری کھیپ آج مل گئی ہے۔ کیوڈو نیوز ایجنسی نے بتایا کہ بیلجئم سے ویکسین آج صبح ٹوکیو کے ناریتا بین الاقوامی ہوائی اڈے پر پہنچی۔ حالانکہ ایجنسی نے یہ واضح نہیں کیا ہے کہ دوسری کھیپ میں کتنی خوراک پہنچی ہیں۔
اس سے قبل جاپان کو 12 فروری کو فائزر کے بیلجئم میں واقع کارخانے سے ویکسین کی چار لاکھ خواراک کی پہلی کھیپ ملی تھی۔
جاپان نے 17 فروری سے کورونا وائرس کی روک تھام کے لیے عوامی ٹیکہ کاری کی شروعات کی ہے۔ قومی ٹیکہ کاری مہم کے پہلے دن 125 میڈیکل ملازمین کو جاپان میں کورونا ویکسین دی گئی۔
یہ بھی پڑھیں:
ضمنی انتخابات میں حکمراں بے نقاب ہوگئے ہیں: مریم نواز
دنیا بھرمیں کورونا وائرس کے کیسز 11 کروڑ 16 لاکھ سے تجاوز
ملک میں جمعہ کی شام تک پانچ ہزار لوگوں کو ویکسین دی جا چکی تھی۔ جاپان میں 65 برس سے زیادہ عمر کے لوگوں کو اپریل سے ویکسین لگانے کا منصوبہ ہے۔
فائزر کی ویکسین جاپان میں کورونا وائرس کا واحد مجاز ٹیکہ ہے۔ جاپان کے وزیر اعظم یوشی ہیڈے سوگا نے ہفتہ کو کہا تھا کہ ملک کی وزارت صحت کو شبہ تھا کہ فائزر ویکسین سے الرجی ہوسکتی ہے۔
یو این آئی
