عراق میں کورونا کیسز میں اضافے کے دوران بغداد ایئرپورٹ کھولا گیا

عراق کے ایئرپورٹز کو مارچ میں اس وقت بند کیا گیا تھا، جب کورونا کیسز کی شروعات ہوئی تھی اور ہر طرف کرفیو نافذ کر دیا گیا تھا۔

عراق کی حکومت نے لاک ڈاون میں نرمی کے تحت بغداد انٹرنیشنل ایئرپورٹ کو مسافروں کے لیے دوبارہ سے کھول دیا ہے۔ یہاں سے ان تمام ممالک کے لیے پروازیں جا سکیں گی، جن میں داخلے کی اجازت ہو گی۔

حکومت کی جانب سے معیشت کو دھیان میں رکھتے ہوئے فی الحال ایئرپورٹ کو کھولا گیا ہے، لیکن رواں ماہ کے اواخر تک مالز اور دیگر معاشی مراکز کو بھی کھولنے کی اجازت دے دی جائے گی۔

حالانکہ کورونا کے کیسز میں اضافہ دیکھنے کو مل رہا ہے، اس کے باوجود مذکورہ مراکز کو کھولنے کا منصوبہ بنایا گیا ہے۔ ایسا مانا جاتا ہے کہ ملک بھر میں رواں ہفتے کورونا متاثرین کی تعداد ایک لاکھ سے تجاوز کر جائے گی۔

عراق کے ایئرپورٹز کو مارچ میں اس وقت بند کیا گیا تھا، جب کورونا کیسز کی شروعات ہوئی تھی اور ہر طرف کرفیو نافذ کر دیا گیا تھا۔

واضح رہے کہ عراقی وزارت صحت کے مطابق ملک بھر میں فی الحال کورونا کے 99 ہزار 865 مریض ہیں۔ ان میں سے 4 ہزار سے زائد افراد کورونا سے ہلاک ہوئے ہیں۔