ذرائع ابلاغ کی خبروں کے مطابق، چونکہ ایران نے اقتصادی اور سیاسی اشتراک سے چین کے ساتھ ایک مسودے کو منظوری دی ہے، اس لیے ایران نے بھارت کی جانب سے مالی اعانت میں تاخیر کا حوالہ دیتے ہوئے بھارت کو چابہار ریلوے پروجیکٹ سے برطرف کرنے کا فیصلہ کیا ہے۔
رپورٹ کے مطابق بھارت اور ایران کے مابین 4 برس قبل افغانستان کی سرحد کے ساتھ چابہار بندرگاہ سے زاہدان تک ایک ریلوے لائن بنانے کا معاہدہ ہوا تھا، لیکن فی الحال ایران نے بھارت کو اس معاہدے سے برطرف کرنے کا فیصلہ کیا ہے۔
ایران کے وزیر برائے نقل و حمل محمد اسلمی نے گذشتہ ہفتے 628 کلومیٹر چابہار - زاہدان لائن کے لئے ٹریک بچھانے کے عمل کا افتتاح کیا تھا، جسے افغانستان کی سرحد پار سے زرنج تک بڑھایا جائے گا۔
لندن بیس نیوز پورٹل 'مڈل ایسٹ آئی' کے مطابق ایران نے یہ اقدام چین کے ساتھ ہونے والے اس تازہ معاہدے کے بعد اٹھایا، جس میں چین کی طرف سے ایران کو تیل اور گیس پر نمایاں رعایت اور دو برس تک ادائیگیوں میں تاخیر کا موقع دیا گیا ہے۔
