انڈونیشیا کے فوجی سربراہ ہادی تیجاجنٹو نے اعلان کیا ہے کہ مشترکہ سرچ اور ریسکیو ٹیم نے بحر جاوا میں گر کر تباہ ہوئے ہوائی جہاز کا بلیک باکس کا مقام ڈھونڈ لیا ہے۔
ایک خبر کے مطابق، ہادی تیجاجنٹو نے بتایا کہ امدادی ٹیمیں اس جگہ پر بلیک باکس تلاش کرنے کی کوشش کر رہی ہیں جہاں طیارے کا ملبہ 23 میٹر کی گہرائی میں ہے۔ انہوں نے کہا کہ اس سے یہ ثابت ہوتا ہے کہ بلیک باکس سے نکلنے والے دو سگنلوں پر مسلسل نگرانی کی جاسکتی ہے۔ ہم نے انہیں نشان زد کیا۔
انڈونیشیا کے دارالحکومت جکارتہ سے مغربی کالیمنتن صوبے میں شہر پونٹینک کے لیے پرواز کرنے والا بوئنگ 737-500 طیارہ ہفتہ کے روز ہزاروں جزیروں پر مشتمل لاکی اور لنکانگ جزیروں کے درمیان جاوا سمندر میں گر کر تباہ ہو گیا تھا، جس میں 10 بچوں سمیت 62 مسافر سوار تھے اور 12 عملے کے ممبر سوار تھے۔
یہ بھی پڑھیں: وستارا: دہلی سے شارجہ کے لیے براہ راست پرواز
طیارہ کو اڑان بھرنے کے چار منٹ بعد ہی رابطہ منقطع ہوگیا تھا۔ گزشتہ روز سات بیگ بھر کر انسانی لاشیں اور ملبے کے تین تھیلے برآمد ہوئے تھے۔
انہوں نے بتایا کہ اس جگہ کا پتہ لگا لیا گیا ہے جہاں پر ہوائی جہاز کا بلیک باکس (کاک پٹ کا ڈاٹا اور ساؤنڈ ریکارڈر) گرا ہے۔ 'کاک پٹ وائس ریکارڈر' میں پائلٹوں کے بیچ ہوئی بات چیت اور ڈاٹا ریکارڈر میں الیکٹرانک جانکاری جیسے ایئر اسپیڈ، اونچائی اور عمودی سرعت وغیرہ کے درمیان گفتگو درج ہوتی ہیں۔
بلیک باکس کے ملنے پر حادثہ کی وجوہات کا پتہ لگانے کے لیے اسے 'نیشنل ٹرانسپورٹیشن سیفٹی کمیٹی' کے حوالے کر دیا جائے گا۔
