'چالیس ہزار دہشت گرد پاکستان میں موجود ہیں'

پاکستانی وزیراعظم عمران خان کا کہنا ہے کہ 'ملک میں چالیس مختلف دہشت گروپ سرگرم ہیں'-

امریکہ کے دورے کے دوران وزیراعظم عمران خان نے مختلف پروگرامز میں اپنے خیالات کا اظہار کرتے ہوئے کہا کہ تیس سے چالیس ہزار تربیت یافتہ دہشت گرد افغانستان اور کشمیر میں لڑائی میں حصہ لے چکے ہیں ان میں جیش محمد بھی شامل ہے۔
انہوں نے مزید کہا کہ ’’سابقہ پاکستانی حکومتوں نے امریکہ کو سچائی نہیں بتائی۔‘‘
عمران خان نے منگل کو ایک تقریب سے خطاب کرتے ہوئے کہا کہ پاکستان کی سابقہ حکومتوں خصوصی طور سے ان پندرہ ربرسوں میں برسراقتدار حکومتوں نے امریکہ کوسچائی نہیں بتائی۔انہوں نے مزید کہا کہ ملک میں 40 مختلف دہشت گرد گروپ سرگرم ہیں۔
انہوں نے کہا کہ ’’ہم دہشت گردی پر امریکی جنگ لڑرہے ہیں، حالانکہ پاکستان کا 9/11 سے کوئی لینا دینا نہیں تھا۔القاعدہ افغانستان میں تھا۔ پاکستان میں کوئی طالبان جنگجو نہیں تھے۔ لیکن اس کے باوجود ہم جنگ کا حصہ بنے۔ بدقسمتی سے جب کچھ چیزیں غلط ہوئیں تب میری حکومت پر الزام عائد کیا گیا، ہم نے امریکہ کو زمینی حقائق سے آگاہ نہیں کیا۔‘‘
وہ کیپیٹل ہل میں پاکستان حامی گروپ کی چیئرپرسن شیلا جیکسن لی کی طرف سے دیئے گئے استقبالیہ سے خطاب کررہے تھے۔