چین کے سرکاری ٹی وی چینل سی سی ٹی وی نے بتایا کہ چین میں زبردست بارش کے سبب بڑے پیمانے پر تباہی ہوئی ہے۔
ویڈیو
سی سی ٹی وی کی رپورٹ کے مطابق ملک کے مشرقی صوبے انہوئی میں موسلا دھار بارش کے سبب 4 لاکھ 24 ہزار سے زائد افراد متاثر ہوئے ہیں۔ ان میں سے ہزاروں لوگوں کو محفوظ مقام تک پہنچایا جا چکا ہے۔
سی سی ٹی وی کا یہ بھی کہنا ہے کہ ہوینگنگ میں بھی 1 ہزار سے زائد افراد کو ریسکیو کیا گیا ہے۔ تا حال کسی بھی ہلاکت کی تصدیق نہیں ہوئی ہے۔
واضح رہے کہ ملک گیر سطح پر سیلاب کی وجہ سے تقریبا 17 ہزار گھر تباہ ہوئے ہیں۔ اس کے سبب 5 اعشاریہ 9 بلین امریکی ڈالر کا معاشی نقصان ہوا ہے اور رواں برس اب تک 121 افراد سیلاب میں ہلاک یا گم شدہ ہوئے ہیں۔
