ذرائع کے مطابق بغداد کے شمال میں عراقی ایئر بیس پر 4 راکٹز سے حملہ کیا گیا ہے، جہاں امریکی فوجیں مقیم ہیں۔ سیکیورٹی فورسز نے بتایا ہے کہ عراقی ایئر فورس کے 4 اہلکار زخمی ہوئے ہیں۔
فوجی ذرائع نے بتایا کہ گذشتہ دو ہفتوں کے دوران امریکہ اور ایران کے مابین کشیدگی کے بعد اس طرح کے واقعات رونما ہوئے ہیں۔
خیال رہے کہ رواں ماہ کے اوائل میں امریکہ نے ایران کے پاسداران انقلاب کے قدس فورس کے سربراہ جنرل قاسم سلیمانی کو ہلاک کر دیا دیاتھا، اس کے جواب میں ایران نے عراق میں واقع امریکی فوجی ٹھکانوں کو نشانہ بنایا تھا۔
ایسا مانا جا رہا تھا کہ اب دونوں ممالک میں امن کی صورت حال ہو گی، لیکن حالیہ واقعے سے حالات میں مزید ابتری کا اندیشہ ہے۔
