جاپان میں شدید آتشزدگی، متعدد ہلاک

مشتبہ شخص نے کسی ایسے آتش گیر مادہ کو بکھیر دیا جس کی وجہ سے کیوٹو کے معروف انیمیشن اسٹوڈیو میں آگ لگ گئی۔ ابھی تک اس آتش گیر مادے کا پتہ نہیں لگایا جا سکا ہے۔

جاپان کے سابق دارالحکومت کیوٹو میں آگ لگنے کی وجہ سے 12 افراد کے ہلاک اور متعدد کے گم شدہ ہونے کی خبر ہے۔

جاپانی انتظامیہ کا کہنا ہے کہ ایک مشتبہ شخص کے غیر معروف چیز کے بکھیرنے کی وجہ سے کیوٹو کے معروف انیمیشن اسٹوڈیو میں آگ لگی تھی۔

پولیس انتظامیہ کے مطابق اس حادثے میں مشتبہ شخص بھی زخمی ہوا ہے، جنہیں ہسپتال میں داخل کرایا گیا ہے۔

فائر بریگیڈ کی گاڑیوں نے گھنٹوں کی مشقت کے بعد آگ پر قابو پا لیا ہے۔ اور زخمیوں کی تلاش مزید تیز کر دی ہے۔

فی الحال سبھی زخمیوں کو ہسپتال میں داخل کرا دیا گیا ہے اور پولیس معاملے کی تحقیقات کر رہی ہے۔