عراق کے وزیرخارجہ فواد حسین نے یورپی یونین سے اپنے ملک کو دہشت گردی کے اسپانسروں کی فہرست سے ہٹانے کی اپیل کی ہے۔
عراقی وزارت خارجہ نے جمعرات کو کہا کہ ملک کے وزیر خارجہ فواد حسین نے یورپی یونین کی خارجہ پالیسی کے سربراہ جوزف بوریل کے ساتھ میٹنگ میں اس سلسلے میں مطالبہ کیا ۔
دونوں حکام کے درمیان یہ میٹنگ بدھ کے روز برسلز میں یورپی یونین کے ہیڈ کوارٹر میں ہوئی۔
اس میٹنگ میں، دونوں نے عراق اور یوروپی یونین کے ممالک کے مابین باہمی تعاون کے علاوہ جون 2021 میں عراق میں ہونے والے پارلیمانی انتخابات کے امور پر بھی تبادلہ خیال کیا۔
وزارت نے ایک بیان میں کہا کہ، "دونوں فریقوں نے منی لانڈرنگ اور دہشت گردی کو اسپونسرنگ کے شعبے میں یوروپی یونین کی زیادہ خطرے والے ممالک کی فہرست سے عراق کو ہٹانے کے معاملے پر تبادلہ خیال کیا۔
