سعودی عرب کے شاہ سلمان بن عبد العزیز کے بڑے بھائی شہزادہ بندر بن عبد العزیز آل سعود کا 96 برس کی عمر میں انتقال ہوگیا۔ شاہی کنبے کی جانب سے ان کے انتقال کی اطلاع دی گئی۔
اس سلسلے میں شاہی خاندان اور حکومت کی جانب سے شہزادہ بندر بن عبدالعزیز کی وفات پر گہرے دکھ کا اظہار کیا گیا۔
ان کی نماز جنازہ پیر کو بعد نماز عشاء مسجد حرام میں ادا کی جائے گی۔
شاہی کنبہ نے شہزاہ بندر بن عبد العزیر کی موت کی وجوہات کے بارے میں کچھ بھی نہیں بتایا ہے، لیکن کچھ مقامی میڈیا کا کہنا ہے کہ وہ کچھ برسوں سے بیمار تھے۔
بتایا جاتا ہے کہ وہ شاہی کنبہ آل سعود کے سیاسی طور پر سرگرم رکن نہیں تھے۔ اس کنبہ میں ہزاروں اراکین ہیں، جن میں چند لوگوں کا ہی ملک پر براہ راست اثر ہے۔
مرحوم ریاض ریجن کے گورنر فیصل بن بندر کے والد تھے۔
