سعودی عرب میں عیدالاضحٰی پر دو ہفتہ کی چھٹی

مملکت سعودی عرب نے عید الاضحیٰ کی چھٹیوں کا اعلان کیا ہے۔ سعودی عرب میں عیدالاضحیٰ 31 جولائی کو منائی جائے گی اور اس موقع پر حکومت نے پرائیویٹ اور سرکاری ملازمین کے لیے اس بار زیادہ چھٹیوں کا اعلان کیا ہے۔

عرب میڈیا کے مطابق ملک میں پرائیویٹ سیکٹر میں کام کرنے والے ملازمین کو 4 روز کی چھٹیاں دی گئی ہیں جو 30 جولائی سے 2 اگست تک ہوں گی۔

اس کے علاوہ سرکاری ملازمین کی پانچوں انگلیاں گھی میں ہیں اور انہیں عید پر 2 ہفتہ کی چھٹیاں ملیں ہیں۔حکومت نے سرکاری ملازمین کے لیے 24 سے 8 اگست تک چھٹیوں کا اعلان کیا ہے۔

خیال رہے کورونا وائرس کے باعث سعودی عرب نے اس سال محدود پیمانے پر حج کا اعلان کیا ہے۔