جنوبی چائنا مارننگ پوسٹ اخبار نے رپورٹ میں بتایا ہے کہ ہوبئی ژنہوا ہسپتال میں تعینات 62سالہ ڈاکٹر لیانگ ووڈونگ کو 18جنوری کو ہسپتال میں داخل کرایا گیا تھا اور دو دن بعد ان میں کوروناوائرس کی علامت پائی گئی۔
اخبار نے بتایا ہے کہ چین میں سرکاری اعداد و شمار سے زیادہ ڈاکٹر اس انفیکشن میں مبتلا ہیں۔
چین میں کوروناوائرس سے پہلا معاملہ گزشتہ برس دسمبر کے آخر میں سامنے آیا تھا اور موجودہ وقت میں اس نے وبا کی شکل اختیار کرلی ہے۔
چین کے قومی صحت کمیشن کے مطابق چین میں 1287افراد اس وائرس میں مبتلا ہیں اور اب تک 41 افراد کی اس انفیکشن سے موت ہوچکی ہے۔
