جاپان میں تیسرے روز بھی طوفان سے متاثرہ علاقوں میں امدادی کارروائیاں جاری ہیں جبکہ حکام نے 74 افراد کی ہلاکتوں کی تصدیق کی ہے، جس میں اضافے کا امکان ہے۔
اس طوفان کے باعث کئی پروازیں منسوخ کی جاچکی ہیں اور ڈیڑھ لاکھ گھروں کو بجلی کی فراہمی بھی معطل ہے۔
بارش کے باعث پورے جاپان کی 200 دریاؤں میں پانی کی سطح بلند ہے جبکہ 140 مقامات پر زمین کھسکنے کے واقعات پیش آئے ہیں۔
ستر لاکھ سے زائد افراد طوفان کے باعث اپنے گھروں کو چھوڑ کر محفوظ مقام پر منتقل ہوگئے جبکہ شیلٹر ہومز میں صرف 50 ہزار افراد موجود ہیں۔حکام نے مزید بارشوں کے خطرے کے پیش نظر شہریوں کو الرٹ رہنے کی ہدایت کی ہے۔
چائنا بینک کی عمارت گرنے سے پانچ افراد ہلاک
ہیگی بیز طوفان سے جاپان میں موسلادھار بارش کے ساتھ تیز ہوائیں چل رہی ہیں جس کی وجہ سے ملک بھر میں زمین کھسکنے کے 100 سے زائد واقعات سامنے آئیں ہیں۔ ہزاروں کی تعداد میں گھر پانی میں ڈوب گئے ہیں اور زیادہ تر علاقوں میں بجلی کی فراہمی ٹھپ ہو گئی ہے۔
