کورونا وائرس انفکشن کے پھیلنے کی شروعات کا پتہ لگانے کے لئے چین کا دورہ کرنے والی ورلڈ ہیلتھ آرگنائزیشن (ڈبلیو ایچ او) کی ٹیم کے مطابق کورونا وائرس کے انفیکشن چمگادڑ سے کئی جانوروں کے ذریعہ انسانوں تک پھیلنے کا اندیشہ ہے۔
رپورٹ کے مطابق لیبارٹری سے وائرس پھیلنے کا امکان بہت کم ہے۔
خبررساں ایجنسی کو موصولہ تحقیقاتی ٹیم کی ڈرافٹ رپورٹ میں یہ معلومات دی گئی ہے۔
تاہم اس رپورٹ میں بہت سارے سوالات کا جواب نہیں مل سکا ہے۔ ٹیم نے لیبارٹری سے وائرس کے لیک ہونے کے پہلو کو چھوڑ کر دیگر تمام پہلوؤں پر مزید تحقیقات کی تجویز پیش کی ہے۔
اس رپورٹ کی ریلیز میں مستقل تاخیر ہوتی رہی ہے اور یہ سوال اٹھ رہے ہیں کہ آیا چینی فریق نے تحقیقات کے نتائج کو متاثر کرنے کی کوشش کی تاکہ چین پر کووڈ 19 کی وبا کو پھیلانے کا الزام نہ لگایا جا سکے۔
ورلڈ ہیلتھ آرگنائزیشن کے ایک عہدیدار نے گذشتہ ہفتے کے آخر میں کہا تھا کہ انھیں امید ہے کہ ٹیم کی رپورٹ اگلے چند دنوں میں جاری کردی جائے گی۔
