دنیا بھر میں کورونا وائرس سے متاثرہ افراد کی تعداد 12 کروڑ 94 لاکھ 71 ہزار 257 تک جا پہنچی ہے جبکہ اس موذی وائرس سے اموات 28 لاکھ 28 ہزار 154 ہو گئیں۔ کورونا وائرس کے دنیا بھر میں 2 کروڑ 22 لاکھ 18 ہزار 969 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 96 ہزار 572 کی حالت تشویش ناک ہے جبکہ 10 کروڑ 44 لاکھ 24 ہزار 134 کورونا مریض صحت یاب ہو چکے ہیں۔
کورونا وائرس کے کیسز اور اس سے اموات کے اعتبار سے 10 سرِ فہرست ممالک میں 33 کروڑ سے زائد آبادی کا حامل امریکہ تا دم تحریر پہلے نمبر پر ہے جہاں اس وائرس سے اب تک 5 لاکھ 65 ہزار 256 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 3 کروڑ 11 لاکھ 66 ہزار 344 ہو چکی ہے۔
