چین کے ہوبئی صوبے کے دارالحکومت ووہان سے شروع ہوئے مہلک کورونا وائرس کی زد میں دنیا کے 116 ملک آ چکے ہیں اور اب تک 5529 افراد ہلاک ہو چکے ہیں جبکہ 145768 لوگ اس متاثرہ ہیں۔
بھارت میں بھی آہستہ آہستہ یہ اپنے پاؤں پسارنے لگا ہے اور اب تک 84 لوگوں میں اس وائرس کی تصدیق ہو چکی ہے۔ ان لوگوں میں کیرالہ کے وہ تین لوگ بھی شامل ہیں، جنہیں علاج کے بعد چھٹی دے دی گئی تھی۔
کورونا سے اب تک ایک عمردراز خاتون سمیت دو لوگوں کی موت ہو چکی ہے۔کورونا وائرس کا قہر تھمنے کا نام نہیں لے رہا ہے لیکن اب بھی اس سے متاثرین میں سب سے زیادہ چین کے لوگ ہی ہیں۔
اس وائرس سے متعلق تیار کی گئی ایک رپورٹ کے مطابق چین میں ہوئی اموات کے 80 فیصد معاملے 60 سال سے زائد عمر کے لوگوں کے ہیں۔
فی الحال متاثرہ افراد کی کل تعداد سرکاری رپورٹوں سے کافی زیادہ ہونے کا امکان ہے اور اس وائرس سے متاثر ہونے کی وجہ سے چین میں کورونا سے اب تک 3189 افراد ہلاک ہو چکے ہیں جبکہ 80824 لوگ اس متاثر ہوئے ہیں جن میں سے 61644 مریضوں كوٹھیک ہونے کے بعد اسپتالوں اور دیگر مقامات سے چھٹی دے دی گئی ہے۔
چین کے بعد اس وائرس کا شکار سب سے زیادہ اٹلی ہوا ہے۔ اٹلی میں کورونا کی وجہ اب تک 1266 افراد ہلاک اور 17660 لوگ اس متاثرہوئے ہیں جن میں سے 1045 لوگوں کو اسپتالوں سے چھٹی دے دی گئی ہے۔
