وزیر اعلی وجے روپانی ازبکستان حکومت کی دعوت پر بین الاقوامی سرمایہ کاری فورم میں شرکت کے لیے ازبکستان پہنچے، جہاں ان کا ائیر پورٹ پر شاندار استقبال کیا گیا۔
اس موقع پر وجئے روپانی ازبکستان کے اندیزان شہر کا دورہ کریں گے۔ اندیزان وہ شہر ہے جہاں مغل حکمران ظہیر الدین محمد بابر سنہ 1483 میں پیدا ہوئے تھے۔
مزید وزیر اعلی اندیزان میں سردار ولبھ بھائی پٹیل کے مجسمے کی نقاب کشائی بھی کریں گے۔ اسی شہر میں بھارت کے پہلے وزیر داخلہ سردار ولبھ بھائی پٹیل کے نام پرایک سڑک کا نام بھی ہے۔
اس موقع پر وجے روپانی ازبکستان کے فری فارماسیوٹیکل زون کا دورہ بھی کریں گے۔ وہ وہاں کیڈیلا فارماسیوٹیکلز کے ایک یونٹ کا افتتاح کریں گے۔
وزیر اعلی وجئے روپانی اس موقع پر ازبکستان کے تاشقند میں مقیم گجراتیوں کے ساتھ بھی ملاقات کریں گے۔ جبکہ وزیر اعلی 23 اکتوبر کو ازبکستان کے صدر کے ساتھ ملاقات کریں گے اور گجرات کے واپس روانہ ہوجائیں گے۔
