چین کے دفاعی ترجمان نے بیجنگ میں بیان دیا کہ مشرقی لداخ میں پینگونگ جھیل کے جنوب اور شمالی کنارے پر چینی اور بھارتی فوج نے بدھ سے پیچھے ہونا شروع کردیا ہے۔
چینی وزارت دفاع کے ترجمان کرنل ووکیان کے بیان اور چین کے سرکاری میڈیا کے ذریعہ دی گئی رپورٹ پر بھارت کی جانب سے ابھی تک کسی قسم کا ردعمل نہیں دیا گیا ہے۔
ووکیان نے ایک پریس بیان میں کہا کہ چین اور بھارت کے مابین کمانڈر سطح کے مذاکرات کے نویں دور کے دوران اتفاق رائے کے مطابق چینی اور بھارتی مسلح افواج کے فرنٹ لائن یونٹوں نے 10 فروری سے پینگونگ جھیل کے شمالی اور جنوبی کنارے سے منظم طور پر پیچھے ہونا شروع کر دیا ہے۔
چین اور بھارت کی افواج کے درمیان گزشتہ سال مئی کے شروع سے ہی مشرقی لداخ میں کشیدگی پیدا ہوئی ہے، جس کے بعد اس کے حل کے لئے بھارت اور چین کے مابین کمانڈر سطح کی بات چیت ہو رہی ہے۔
