بنگلہ دیش کے وزیر مملکت برائے خارجہ محمد شہریار عالم نے بِمسٹیک کے نو مقرر جنرل سیکریٹری تینجِن لیکفیل کا خیرمقدم کیا۔
اس دوران مسٹر عالم نے بھوٹان کی جانب سے نامزد مسٹر لیکفیل کے بِمسٹیک کے تیسرے جنرل سیکریٹری کے بطور مقرر ہونے پر اطمینان کا اظہار کیا۔ انہوں نے امید ظاہر کی کہ نو مقرر جنرل سیکریٹری ضروری معاہدے کے مؤثر عمل درآمد کے ذریعے سے اہداف کو حاصل کرنے کے بِمسٹیک تنظیمم کے رکن ریاستوں کے درمیان ایک پل کے بطور اہم کردار ادا کریں گے۔
میٹنگ کے دوران مسٹر عالم نے کہا کہ بِمسٹیک خطے میں مالی تعاون کے بہت زیادہ امکانات ہیں کیونکہ ابھی بھی بہت امکانات پر کام نہیں کیا گیا ہے۔ انہوں نے بِمسٹیک کے تمام اداروں کو پوری طرح فعال بنانے کی اہمیت پر بھی زور دیا۔
یہ بھی پڑھیں: ایغور مسلمان خواتین کی 'جبری نسبندی' پر چین کی تردید
اس موقع پر مسٹر لیکفیل نے بِمسٹیک کے جنرل سیکریٹری کے بطور بنگلہ دیش میں اپنا کام شروع کرنے پر خوشی کا اظہار کیا۔
انہوں نے وزیر مملکت سے ان کی ملاقات کے لیے شکریہ ادا کرتے ہوئے بنگلہ دیش میں ان کے تئیں دکھائی گئی گرمجوشی کی تعریف کی۔ انہوں نے بِمسٹیک کے رکن ممالک کے درمیان تعاون کی سطح کو بڑھا کر بِمسٹیک کو مضبوط کرنے کی سمت میں کام کرنے کے لیے ٹھوس اعتماد ظاہر کیا۔
یو این آئی
