وزیر مملکت برائے انتظامیہ فرہاد حسین نے بی ڈی نیوز 24 ڈاٹ کام سے منصوبے کے بارے میں بدھ کے روز گفتگو کرتے ہوئے کہا کہ شہریوں کو عید الفطر اپنے اپنے علاقوں میں منانے کا حکم دیا گیا ہے۔
انہوں نے کہا کہ حکومت عید سے پہلے اور بعد میں سات دنوں کے لیے سفر پر سخت پابندی عائد کرے گی اور عید سے چار دن قبل اور عید کے دو دن بعد تک مسافروں پر پابندی عائد رہے گی۔
انہوں نے کہا،’ہر کسی کو عید وہیں منانا چاہیے جہاں وہ رہتے ہیں‘۔
مسٹر حسین نے کہا کہ حکومت لاک ڈاؤن بڑھانے کے سلسلے میں جمعرات کو حکم جاری کرے گی۔
واضح رہے کہ بنگلہ دیش میں 26 مارچ کو کورونا کا پہلا کیس سامنے آنے اور اس سے مریضوں کی موت کے بعد سے ہی تمام دفاتر، کام کرنے کی جگہ اور عوامی نقل و حمل مکمل طور پر بند کر دیے گئے ہیں۔
حکومت نے 16 مئی تک لاک ڈاؤن کو کئی مرحلوں میں جاری رکھا لیکن اس درمیان کارخانوں کو دوبارہ شروع کرنے سمیت کچھ پابندیوں میں نرمی بھی کی ہے۔ عید کے پیش نظر کچھ شاپنگ مال بھی کھول دیے گئے ہیں لیکن تمام تعلیمی ادارے اب بھی بند رہیں گے۔
ملک میں کورونا متاثرین کی تعداد بڑھ کر 18863 ہو گئی ہے اور اب تک 283 افراد کی موت ہو چکی ہے۔
