بغداد میں راکٹ حملوں سے امریکی فوج کو نشانہ بنایا گیا

گذشتہ کئی روز سے عراق میں احتجاج اور مظاہروں کا سلسلہ جاری ہے، اسی دوران دارالحکومت بغداد میں ہوائی اڈے کے قریب 2 راکٹ حملے بھی کیے گئے ہیں۔

ذرائع کے مطابق عراق کے دارالحکومت بغداد میں ہوائی اڈے کے قریب 2 راکٹ حملوں کے دوران وہاں موجود امریکی فوج کو نشانہ بنایے جانے کی خبر ہے۔ تاہم اب تک اس واقعے کی مزید تفصیلات سامنے نہیں آئی ہیں۔

اطلاعات کے مطابق گذشتہ جمعرات کو دو عراقی فوجی ذرائع نے بتایا تھا کہ دو مارٹر بم عراق میں بلد ایئربیس کے اندر گرے تھے۔ لیکن حملے میں کسی کے جانی نقصان کی اطلاعات نہیں ہیں۔

بلد ایئربیس بغداد کے شمال میں 80 کلو میٹر دور ہے جہاں امریکی فوج اور اس کے کنٹریکٹرز کی بڑی تعداد موجود ہے۔

خبروں کے مطابق مغربی عراق کے الانبار صوبے میں امریکی افواج کی میزبانی کرنے والے عین الاسد ہوائی اڈے پر گذشتہ منگل کو پانچ میزائل گرائے گئے تھے۔