افغانستان کے تخار صوبے میں شدت پسند تنظیم طالبان کے حملے میں فوج کے کم از کم 18 جوان مارے گئے اور تین دیگر زخمی ہوگئے ہیں۔
صوبائی پولیس کے ترجمان عبدالخلیل آسیر نے پیر کے روز بتایا کہ طالبانیوں نے اتوار کی تاخیر شب یہ حملہ انجام دیا۔ بڑی تعداد میں طالبانیوں نے ایک ضلع تھانہ اور اس کے نزدیک خواجہ گھر ضلع میں واقع فوجی کیمپ کو نشانہ بناکر حملے کئے تھے۔
پہاڑوں سے حملہ آور طالبانی ضلع تھانہ پر چڑھائی کرکے پورے ضلع پر قبضہ کرنے کی کوشش میں تھے لیکن حفاطتی دستوں نے ان کے ارادے کو ناکام بنادیا۔
حفاظتی دستوں کے ساتھ لڑائی میں کئی طالبانی بھی زخمی ہوئے۔ اس بات کی گواہی جائے واقعہ پر نظر آرہے خون کے چھینٹے دے رہے ہیں۔
طالبان گروپ کی جانب سے ابھی تک اس واقعہ کے تعلق سے کوئی ردعمل ظاہر نہیں کیا گیا ہے۔
