پاکستان نے افغانستان کے حوالے سے اسلام آباد میں منعقد ہونے والی امن کانفرنس کو ملتوی کرنے کا اعلان کردیا۔
ترجمان دفتر خارجہ زاہد حفیظ چوہدری کی جانب سے جاری بیان میں کہا گیا کہ افغان امن کانفرنس اسلام آباد میں 17 جولائی سے 19 جولائی 2021 کے درمیان ہونی تھی۔انہوں نے کہا کہ افغان امن کانفرنس کو عیدالاضحیٰ کے تک ملتوی کردیا گیا ہے۔
دفترخارجہ کے مطابق مذکورہ کانفرنس کی نئی تاریخوں کا اعلان بعد میں کیا جائے گا۔
قبل ازیں گزشتہ روز ترجمان دفتر خارجہ زاہد حفیظ چوہدری نے صحافیوں کو ہفتہ وار بریفنگ کے دوران کہا تھا کہ پاکستان 17 سے 19 جولائی تک افغانستان پر امن کانفرنس کی میزبانی کرے گا اور افغان قیادت نے شرکت کی یقین دہائی کرا دی ہے۔
- یہ بھی پڑھیں: Afghanistan Peace Process: 'افغانستان کی صورتحال کے لیے پاکستان کو ذمہ دارٹھہرانا غلط'
انہوں نے کہا تھا کہ افغان قیادت اور دیگر رہنماؤں کو کانفرنس میں شرکت کی دعوت دی گئی ہے اور افغان قیادت نے کانفرس میں شرکت کی یقین دہانی بھی کروائی ہے۔
