افغان فوج کے آپریشن میں 26 عسکریت پسند ہلاک

صوبائی حکومت کے بیان میں تفصیلی معلومات فراہم نہیں کی گئی ہیں لیکن کہا گیا ہے کہ صوبہ ہلمند میں سکیورٹی فورس کا آپریشن جاری رہے گا۔

افغانستان کے جنوبی صوبہ ہلمند میں طالبان جنگجوؤں کے خلاف فوج کے ایک کریک ڈاؤن میں 26 جنگجو ہلاک ہوگئے۔
صوبائی حکومت نے اتوار کے روز ایک بیان میں یہ اطلاع دی۔

بیان کے مطابق ہفتہ کے روز افغان فوج نے ضلع نہر سراج کو ناد علی سے جوڑنے والے راستے پر طالبان جنگجوؤں کے ٹھکانے کو نشانہ بناکر کارروائی کی، جس میں 26 جنگجو ہلاک اور چار زخمی ہوگئے۔

بیان میں تفصیلی معلومات فراہم نہیں کی گئی ہیں لیکن کہا گیا ہے کہ صوبہ ہلمند میں سکیورٹی فورس کا آپریشن جاری رہے گا۔
طالبان گروپ نے ابھی تک اس حوالے سے کوئی بیان جاری نہیں کیا ہے۔