کورونا وائرس کے بڑھتے قہر کے درمیان عالمی صحت تنظیم نے کہا کہ وہ اس کے وائرس کے ذریعہ کا پتہ لگانے کے لئے اگلے ہفتے ماہرین کی ایک ٹیم چین روانہ کرے گی۔
عالمی صحت تنظیم کے ڈائرکٹر جنرل ڈاکٹر ٹیدروس ادہانوم نے کووڈ۔19 پر باقاعدہ پریس بریفنگ کے دوران پیر کو کہا کہ 'ڈبلیو ایچ او ہمیشہ سے کہتا رہا ہے کہ وائرس کے ذریعہ کی معلومات نہایت اہم ہے۔ ہم وائرس سے اسی وقت بہتر طریقہ سے لڑسکتے ہیں جب ہمیں اس کے بارے میں سب کچھ پتہ ہو، یہ بھی کہ یہ کیسے شروع ہوا۔ ہم اس کی تیاری کے لئے اگلے ہفتہ ایک ٹیم کو چین بھیج رہے ہیں۔ ہم امید کرتے ہیں کہ ہمیں یہ معلوم ہوسکے گا کہ اس وائرس کی شروعات کیسے ہوئی اور مستقبل کے لئے ہم کیسے تیاری کرسکتے ہے'۔
ایک سوال کے جواب میں انہوں نے کہا کہ 'وائرس کافی جارحانہ انداز میں پھیل رہا ہے۔ کسی ٹیکہ یا علاج کی دریافت ہونے تک انتظار کرنے کی بجائے ہم رابطہ کا پتہ لگاکر، سماجی دوری وغیر جیسے اقدامات سے اس کے پھیلاو کو روک سکتے ہیں'۔
