غزنی فضائی حملے میں القاعدہ کے 31 جنگجو ہلاک

ماسکو، 13 مارچ (اسپوتنک) افغانستان کے جنوب مشرقی صوبہ غزنی میں افغان فورس کے فضائی حملے میں القاعدہ سے وابستہ کم از کم 31 جنگجو ہلاک ہوگئے۔ یہ اطلاع افغان وزارت دفاع نے آج دی ہے۔

وزارت دفاع نے ایک بیان میں بتایا کہ صوبہ غزنی کے ضلع گیرو میں القاعدہ کے جنگی ٹھکانے پر فضائی حملے میں جنگجو تنظیم کے 31 افراد ہلاک ہوگئے ، جن میں ان کا لیڈر قاری عارف بھی شامل ہے۔
افغان دفاعی محکمہ اور سکیورٹی فورس نے امریکی اتحاد کی حمایت سے یہ حملہ کیا ہے۔
فی الحال طالبان یا جنگجو گروپ القاعدہ کی طرف سے اس سلسلے میں کوئی بیان سامنے نہيں آیا ہے۔