اسرائیل میں گذشتہ 24 گھنٹوں کے دوران کورونا وائرس کے 1،701 نئے کیسز سامنے آنے کے بعد متاثرہ افراد کی تعداد تین لاکھ سے بڑھ کر3,00,201 ہو گئی ہے۔اسرائیل کی وزارت صحت نے یہ اطلاع دی۔
اس دوران کووڈ 19 سے 29 افراد کی ہلاکت سے ملک میں اس وبا سے مرنے والوں کی تعداد 2،127 ہوگئی ہے۔
اسرائیل دنیا کے ان چند ممالک میں سے ایک ہے جس نے عالمی وبا کورونا وائرس پر کافی حد تک قابو پالیا تھا، لیکن گذشتہ ایک ماہ سے اسرائیل میں کورونا کے نئے کیسز میں مسلسل اضافہ ہو رہا ہے۔
ملک میں اب تک 2،57،226 افراد کووڈ 19 کے انفیکشن سے مکمل طور پر صحت یاب ہو چکے ہیں۔ گذشتہ 24 گھنٹوں کے دوران کورونا کے 5،515 مریضوں کو اسپتال سے فارغ کیا گیا ہے۔
اسرائیل میں کورونا انفیکشن کے پھیلاؤکی روک تھام کے لئے اس وقت ملک گیر لاک ڈاؤن نافذ ہے۔
