افغانستان میں 10 طالبان ہلاک

ایک طرف قطر کے دارالحکومت دوحہ میں افغان حکومت اور طالبان کے درمیان افغانستان میں امن قائم کرنے کی کوششیں جاری ہیں، دوسری طرف ملک میں ہر روز دھماکے اور حملے کیے جا رہے ہیں، جس سے امن کی کوششیں مزید پیچیدہ ہو سکتی ہیں۔

افغانستان کے بغلان صوبہ میں طالبان کے ساتھ جھڑپ میں سلامتی دستوں کے چار جوان اور 10طالبان شدت پسند ہلاک ہوگئے۔ مقامی پولیس نے منگل کو یہ اطلاع دی ہے ۔

اس جھڑپ میں سلامتی دستوں کے تین جوان اور 12شدپسند زخمی بھی ہوئے ہیں ۔

صوبائی پولیس ترجمان احمد جاوید بشارت نے کہا کہ سلامتی دستوں نے شدت پسندوں کے ٹھکانے پر حملہ کیا جس کے بعد حدبخشی اور بغلان مرکزی علاقوں میں جھڑپ ہوئی۔ وہاں تعینات سلامتی دستوں نے موثر طریقہ سے جوابی کارروائی کی۔