امریکہ میں ماہر امراض اطفال نے ایک انوکھی بچی کی پیدائش کا دعویٰ کیا ہے جس کے جسم میں کورونا وائرس کے اینٹی باڈیز پہلے سے موجود ہے۔
یہ اس نوعیت کا پہلا معاملہ ہے۔ حمل کے دوران بچی کی ماں کو کووڈ 19 کا پہلا ٹیکہ لگایا گیا تھا۔
صحت سائنس کے متعلق شائع ہونے والی ای پرنٹ میگزین 'میڈ آرچائیو' پر شائع ہونے والی ایک تحقیق کے مطابق حمل کے 36 ویں ہفتے میں بچی کی ماں کو کووڈ کے ٹیکے لگائے گئے تھے۔
تین ہفتوں بعد اس خاتون نے ایک صحت مند بچی کو جنم دیا اور پیدائش کے فوراً بعد ہی اس کے خون کے نمونے لئے گئے، جس سے یہ انکشاف ہوا کہ بچی کے خون میں اینٹی باڈیز موجود ہے۔
تاہم اس مطالعہ کا ابھی جائزہ نہیں لیا گیا ہے۔
امریکہ میں فلوریڈا کے اٹلانٹک یونیورسٹی کے پال گیلبرٹ اور چاڈ روڈنک نے بتایا کہ نوزائیدہ میں پائے جانے والے اینٹی باڈیز کا یہ پہلا پہلا معاملہ ہے۔
ماں اپنی بچی کو مسلسل دودھ پلا رہی ہے اور طے شدہ اصول کے مطابق ویکسین کی دوسری خوراک 28 دن کے بعد دی گئی ہے۔
